Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Boekprogram vir Vryfees 2012 bekendgemaak

SoomBoerekrygerDie staat teen Anna Bruwer\'n Klein leweThe Restless Supermarket7 DaeBoereoorlogstories 2

Vryfees, die kunstefees wat in samewerking tussen die Universiteit van die Vrystaat en Volksblad aangebied word, vind vanjaar van 10 tot 15 Julie in Bloemfontein plaas en sluit oudergewoonte ‘n lekker boekprogram in.

Feesgangers kan uitsien na gratis gesprekke met skrywers soos Deon Meyer (7 Dae), Anchien Troskie (Die staat teen Anna Bruwer), Wilna Adriaanse (‘n Klein lewe), Albert Blake (Boerekryger), Ivan Vladislavic (The Restless Supermarket), Jeanette Ferreira (Boereoorlogstories 2), Diana Ferrus (I’ve come to take you home), Irma Venter (Skoenlapper), Fransjohan Pretorius (Die geskiedenis van Suid-Afrika: Van voortye tot vandag), en Vicky Fourie (Viva la Vicky). Daar gaan ook vir die eerste keer in Vryfees se geskiedenis ‘n gesprek met ‘n skrywer via Skype gevoer word. Marita van der Vyver sal uit Frankryk Riana Barnard se vrae beantwoord.

I've Come to Take You HomeSkoenlapperGeskiedenis van Suid-AfrikaViva la VickiDis koue kos, skatGo\'El Yisra\'el, Verlosser van IsraelAl is die maan 'n misverstandOogensiklopedie

Nog ‘n interessante gesprek is die een wat Hennie van Coller met Reney Warrington (Oktober), Chris van Niekerk en André Stolz gaan voer oor die uitbeelding van homoseksualiteit in die kunste. ‘n Video-opname van Hennie Aucamp, wie se boek Lendetaal oor hierdie onderwerp handel, sal ook tydens die geleentheid gespeel word. Kaartjies kos R40 per persoon.

Die digkuns gaan gevier word met ‘n program getiteld “Jou Eie Keuse”. Tydens drie sessies, wat R95 per persoon per sessie beloop, gaan stemkunstenaars Chris van Niekerk en Elsabe Daneel die gehoor se gunsteling-gedigte voorlees. (Stuur voorstelle aan rosendaltoneel@gmail.com tussen 25 Jun en 2 Julie.) Die digters Danie Marais (Al is die maan ‘n misverstand), Hennie van Coller (Soom), Gilbert Gibson (Oogensiklopedie), René Bohnen (In die niks al om) en Tom Gouws (Stigmata) gaan ook by die onderskeie sessies optree.

In die niks al omStigmataPiekniek by HangklipOktoberLendetaal

Voorts sal boeke by ‘n aantal kuiers om die kostafels bespreek word. Teen R180 kan jy aan “Draaitafel met die kunste” deelneem, waar twintig skrywers en akteurs elkeen aan ‘n tafel met tien gaste sal kuier, totdat die gaste ruil om met ‘n volgende kunstenaar te kommunikeer. Feesgangers het ook die geleentheid om teen R85 ‘n Hebreeuse ontbyt met Marzanne Leroux-Van der Boon (Go’el Ysira’el) by te woon. Die jaarlikse boekeontbyt, met ‘n woordprogram saamgestel deur Van Coller word ook weer teen R280 per persoon aangebied.

Boekbesonderhede

 

Please register or log in to comment