Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

BooksLIVESA

Listen to five short stories by Nadine Gordimer (including Loot read by the author) via @openculture: fb.me/6CqAHMz7y

Oxford University Press maak geskiedenis met hul Oxford Afrikaanse Skoolwoordeboek

Oxford Afrikaanse SkoolwoordeboekOxford University Press het onlangs geskiedenis gemaak met die publikasie van die Oxford Afrikaanse Skoolwoordeboek. Na aanleiding van die sukses wat dié publikasiehuis met hul tweetalige woordeboeke behaal het, het hulle ’n gaping in die mark vir ’n eentalige Afrikaanse woordeboek vir leerders van graad 4 tot 9 geïdentifiseer. Phillip Louw, die hoofredakteur van dié boek, het met LitNet se Naomi Meyer gesels:

Hallo Phillip en dankie vir die geleentheid tot gesprek. Jy is hoofredakteur van die Oxford Afrikaanse Skoolwoordeboek en dié boek het baie aandag getrek. Eerstens het die media baie klem daarop gelê dat dit slegs die derde taal is waarin Oxford ’n eentalige woordeboek gepubliseer het. Waarom is dit so, dink jy, dat Afrikaans as taal hiervoor gekies is?

Hallo Naomi en dankie ook aan jou vir die geleentheid. Oxford University Press Southern Africa is deel van die groter OUP, maar ook ’n volwaardige Suider-Afrikaanse maatskappy. Die bevordering van meertaligheid in Suider-Afrikaanse onderrig is deel van ons groter strewe om gehalte-onderrig in die streek te bevorder. Op grond hiervan het ons ’n paar jaar terug begin om tweetalige skoolwoordeboeke met Engels en ’n ander amptelike taal uit te gee. Die eerste drie woordeboeke (Engels + Afrikaans, Noord-Sotho en Zoeloe) het elkeen ’n prys gewen (ATKV-Woordwystoekenning en twee SAVI-toekennings) en was baie suksesvol. Dit is veral die wegholsukses van die woordeboek met Engels en Afrikaans wat ons genoop het om ook na ’n eentalige woordeboek te kyk en gelukkig kon ons ’n gaping in die mark vind (graad 4-9). Hierdie woordeboek se ontstaan is dus ’n pluimpie vir hoe sterk die koopkrag agter Afrikaans is en hoe goed Afrikaans nog tans as skoolonderrigtaal funksioneer. Terloops, die ander eentalige woordeboek (buiten Engels) is Swahili en daardie woordeboek is uit en uit die markleier in Kenia en Tanzanië.

Boekbesonderhede

 

Please register or log in to comment