Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Wenners van Media24-boekpryse vir 2017 bekend

Die wenners van die Media24 Boeke Literêre Pryse vir 2017 is Donderdag, 22 Junie 2017 in Kaapstad bekend gemaak.

Nagenoeg 80 boeke wat in 2016 by uitgewerye in die Media24-stal verskyn het, is ingeskryf in vyf kategorieë met ’n gesamentlike prysgeld van meer as R175 000.

Die oorhandiging van die pryse het saamgeval met ’n groot mylpaal – die viering van 100 jaar van boekuitgewery binne die Naspersstal.

Die wenner van die W.A. Hofmeyr-prys vir Afrikaanse fiksie is Dan Sleigh met sy historiese roman 1795, uitgegee deur Tafelberg. Dit is die derde keer dat Sleigh hierdie belangrike prys ontvang. 1795 is deur die keurders beskryf as ’n “ambisieuse museale roman waarin Sleigh se uitsonderlike kennis van die VOC-geskiedenis indringend verhaal word. Sleigh laat oortuigend sien dat gebeure uit 1795 relevant en aktueel is, veral wanneer dit gaan om verset teen verraad en korrupsie en om opstand teen die verlies van kultuur en taal.”

Die ondersoekende joernalis en etnograaf Sean Christie het die Recht Malan-prys vir niefiksie verower met sy Under Nelson Mandela Boulevard: Life Among the Stowaways oor jong Tanzaniese skeepsverstekelinge wat onder ’n oorwegbrug op die Kaapstadse strandgebied woon. Dit is uitgegee deur Jonathan Ball Publishers. Under Nelson Mandela Boulevard is volgens die keurders ’n buitengewone prestasie en ’n verruimende leeservaring. “Met groot en uitdagende kwashale gee Sean Christie ’n verrassend vars en uitdagende blik op ’n stad wat iedereen gedink het hulle ken.”

Bibi Slippers is met die Elisabeth Eybers-prys vir poësie beloon vir haar debuutbundel Fotostaatmasjien (Tafelberg), wat deur die keurders geloof is vir die omvang en verskeidenheid van die materiaal wat tot samehang gebring word en vir sy “innovering-met-gehalte”.

Die M.E.R.-prys vir jeugromans is toegeken aan Edyth Bulbring vir Snitch, uitgegee deur Tafelberg, en die M.E.R.-prys vir geïllustreerde kinderboeke aan Ingrid Mennen en Irene Berg (illustreerder) vir Ink, ook uitgegee deur Tafelberg. Dit is die tweede keer dat Mennen en Berg hierdie prys wen.

Die keurders was: Vir die WA Hofmeyr-prys: Ena Jansen, Danie Marais en Francois Smith; vir die Recht Malan-prys: Jean Meiring, Elsa van Huyssteen en Max du Preez; vir die Elisabeth Eybers-prys: Henning Pieterse, Louise Viljoen en Marius Swart; vir die M.E.R.-prys vir jeugromans: Louise Steyn, Verushka Louw en Wendy Maartens; en vir die M.E.R.-prys vir geïllustreerde kinderboeke: Lona Gericke, Paddy Bouma en Magdel Vorster.

Die Herman Charles Bosman-prys vir Engelse fiksie is nie vanjaar toegeken nie en staan oor tot volgende jaar.

Boekbesonderhede

Under Nelson Mandela Boulevard - Life In Cape Town's Stowaway Underground

 
 
 
 
Fotostaatmasjien

 
 
 
 

1795

 
 
 
 
Snitch

 
 
 
 
Ink

 

Please register or log in to comment