Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

Wen ’n kopie van Ink – ’n pragtig geïllustreerde boek wat ’n kind se bewusmaking van taal verken

Tinka word bewus van woorde en taal, boeke en lees.

Sy teken haarself af op ‘n vel koerantpapier. Nou het sy ‘n maat en sy noem haar “Ink”.

Met haar lyf vol woorde, is Ink die perfekte maat vir Tinka. Sy neem Ink na haar kamer om haar beste boeke vir haar te wys, want “‘n boek is soos ‘n maat, met die beste stories om te vertel”.

‘n Meesleurende en diepsinnige prenteboek vir lesers 4+ wat ook volwasse lesers se verbeelding sal aangryp.

Indien jy ‘n kopie van hierdie besonderse boek wil wen, besoek ons Facebook-blad en skryf in deur kommentaar te lewer op die kompetisie-berig.

Ingrid Mennen is ‘n skrywer van prenteboeke vir kinders, waarvan sommige in verskeie tale gepubliseer is. Sy studeer Afrikaanse en Engelse Letterkunde, Kunsgeskiedenis en Museumkunde (UP, US en UK). Ingrid woon in Nuweland, Kaapstad, saam met haar man. Hulle het drie volwasse kinders. Ben en die walvisse en Ink is saam met haar oudste dogter, illustreerder Irene Berg, geskep. Ben en die walvisse is bekroon met die M.E.R.-prys vir geïllustreerde kinderboek 2013 en die Tienie Hollowaymedalje vir Kleuterliteratuur 2015.

Irene Berg is ‘n vryskut-illustreerder en musiekonderwyser, oorspronklik van Kaapstad, en woon en werk tans in Mannheim, Duitsland. Na musiekstudies aan die Universiteit van Stellenbosch en die Hochschule für Musik und Darstellende Kuns in Frankfurt am Main, voltooi sy ‘n kursus in grafiese ontwerp. Haar eerste twee prenteboeke, Ben en die walvisse (2012) en Ink (2016), is geskep in samewerking met haar ma, skrywer Ingrid Mennen.

Boekbesonderhede

 

Please register or log in to comment