by Chris on 21 May 2013
Jy word vriendelik uitgenooi na die US Biblioteek- en Inligtingsdiens se volgende Boekpraatjie: Sonja Loots in gesprek met Floris van der Merwe.
Loots se boek Sirkusboere is geïnspireer deur Van der Merwe se boek Die boere-sirkus van St. Louis (1904) wat in 1998 verskyn het. Breedweg handel dit oor die sirkusbaas Frank Fillis wat ná die Anglo-Boereoorlog ’n sirkusvertoning van die oorlog na die Wêreldtentoonstelling in St. Louis, Amerika geneem het. Sirkusboere is onder meer bekroon met die Eugène Marais Prys en die M-Net Prys.
Bring jou eie middagete. Sap sal voorsien word. Almal is welkom.
Sien jou daar!
Boekbesonderhede
Boekbesonderhede
Scribd.com boekvoorskou:
Sirkusboere
by Alta Cloete on 20 May 2013
Volg hierdie skakel: http://www.lapa.co.za/lekkerlit
by Mari on 16 May 2013
Vyf gelukkige lesers kan elk ’n geskenkpak met Vroukeur en LAPA se splinternuwe breiboekreeks, Brei saam met Vrouekeur, in wen.
Brei saam met Vrouekeur bied handige wenke en inligting soos algemene benodigdhede, hoe om steke met die duimmetode op te tel, naaldgroottes en afkortings in. Al die items is met Saprotex-breidraad gebrei en is oral beskikbaar.
Om in te skryf, moet jy bloot die woord BREI gevolg deur jou naam en adres voor 20 Mei 2013 na 40955 SMS. SMS’e kos R1,50 en die kompetisie is net vir mense in Suid-Afrika.
Boekbesonderhede
by Chris on 16 May 2013
Elize Parker Omnibus, wat twee van Parker se gewildste boeke bevat, verskyn vandeesmaand by NB-Uitgewers:
Elke vrou vir haarself is ’n meesleurende familiesage oor die lief en leed van die drie Keet-susters. Die twee oudste susters, Nelia en Adri, werk by hul ma se ou vriendin Emmie by die Hotel Woltemade in Kaapstad. Kort hierna sterf hul ma en neem Emmie hul laatlamsussie, Carine, aan. Maar uiteindelik moet elkeen van hulle hul eie paadjie loop en talle terugslae oorkom op hul weg na vervulling in hul professionele én liefdeslewe. Daar is suksesse én teleurstellings, vreugde én hartseer. Dit sal jare wees voordat die donker geheim in die Keet-familie uitgerafel word. Sterk vroue, glorieryke liefde, ontrou, verraad, passie, wraak. Maar uiteindelik is dit tog die liefde wat seëvier.
Amber maan, oker son en ander verhale neem die leser na uiteenlopende plekke. Die titelverhaal speel af in die oorloggeteisterde Angola waar die joernalis Esperanza Santana en haar Franse eweknie, Gerard Jobert, by mekaar skuilplek soek. In elke verhaal speel identiteit ’n sleutelrol; die vinnige pas en warm tonele sal lesers meesleur.
Oor die outeur
Elize Parker is ’n Kaapse romanskrywer, oud-joernalis en verhale-redakteur wat inspirasie-geskenkboeke en Christelike fiksie skryf. Sy plaas al dertig jaar brood en botter op die tafel met skryf van verhale, kortverhale en vervolgverhale. Sy is ook ’n voormalige radio-omroeper en -regisseur en bekend vir haar radio-kinderverhale. Sy is betrokke by boekbemarking en leef haar beroepsdrome uit in die wêreld van boeke. Sy tree gereeld as motiveringspreker en beoordelaar van boekkompetisies op en doen graag radio-oordenkings.
Boekbesonderhede
by Chris on 16 May 2013
Leon van Nierop se jongste jeugroman, Ratels, is pas op die rakke:
Ratels is ’n somerskool op ’n wildsplaas waar ’n groep jongmense, uit alle lae van die samelewing, bymekaarkom om oor hulself, die lewe en die natuur te leer. Dit raak aan alledaagse dinge soos korrupsie, dwelms, dobbelary, verhoudings, stropery en die algemene agteruitgang van die natuur.
Lekker lewendige relevante jongmens-denke en -taal. Dit is gebaseer op die super-gewilde reeks op RSG met die dieselfde naam, met baie humor, drama en interessante verwikkelinge.
Oor die outeur
Leon van Nierop is ’n bekroonde skrywer en regisseur wat reeds meer as 24 vollengte romans geskryf het, asook verskeie radiovervolgverhale, TV-reekse, dramas, rubrieke, boek- en rolprentresensies, kortverhale, ’n kabaret en akademiese boeke. Sy mees onlangse jeugroman is Ratels wat in 2013 verskyn het.
Boekbesonderhede
by Maggie Marx on 16 May 2013
Die internasionale Dansende Digtersfees het verlede naweek by die Spier-wynlandgoed buite Stellenbosch plaasgevind. Dié fees, met Breyten Breytenbach as kurator, het ten doel gehad om 11 internasionale digters saam te roep tot gesprekke oor die digkuns.
Bibi Slippers skryf in Beeld van haar ervaring by die fees. Sy berig dat Breytenbach in sy kuratorswoord gesê het dat die fees ’n “dans” is omdat “die beswerende beweging van poësie vooropgestel word, omdat om te dig ’n dans met die onnoembare is”. Daar was ook ’n troep professionele dansers by die fees te sien om dié tema verder te dra.
Die eerste internasionale Dansende Digtersfees is die afgelope naweek op die Spier-wynlandgoed buite Stellenbosch aangebied.
“Dis ’n dans,” het Breyten Breytenbach in sy kuratorswoord gesê, “omdat die beswerende beweging van poësie vooropgestel word, omdat om te dig ’n dans met die onnoembare is.”
Die teenwoordigheid van ’n troep professionele dansers, die dans van duisende wit vlaggies in die wind en die jolige gedans waarmee die fees afgesluit is, het egter die “dans” ook op ’n letterlike vlak die kern van die fees gemaak.
Slippers het ook tydens die fees die geleentheid gekry om met Breytenbach self ’n digtersdans uit te voer.
Gerdus Senekal en Chrizane van Zyl het namens LitNet dié fees bygewoon. Volgens hul verslag het die feesnaweek bestaan uit verskeie begeleide gesprekke “onder andere oor die vertaling van poësie en die rol ‒ of selfs verpligting ‒ van poësie om eties en betrokke te wees.” In ’n tweede verslag deur die tweetal skryf hulle meer oor die gesprek rakende etiek in poësie.
Verlede naweek is die eerste (maar hopelik nie die laaste nie) Dansende Digtersfees by die Spier-landgoed te Stellenbosch gehou. Hierdie poësiesaamtrek is deur Breyten Breytenbach gereël, met ‘n tiental erkende plaaslike en internasionale digters wat die karavaan volgemaak het.
Die naweek se kunsviering het bestaan uit verskeie gesprekke, onder andere oor die vertaling van poësie en die rol ‒ of selfs verpligting ‒ van poësie om eties en betrokke te wees, asook voorlesings deur die indrukwekkende versameling woordwerkers.
Boekbesonderhede
e-Boek opsies – Laai nou af! !
Laai hierdie e-boek nou af by LittleWhiteBakkie.com
Apr
