Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

BooksLIVESA

.@ShortStoryAFR has announced the longlist of 18 stories that will appear in Terra Incognita! fb.me/2rLudIJ8a

Geloof anderkant Sondag deur Julian Müller by Graffiti Lynnwood Bridge bekendgestel

 

Geloof anderkant SondagUit die pen van Julian Muller, bekwame teoloog en professor aan die Universiteit van Pretoria, kom sy nuwe boek, Geloof anderkant Sondag. In hierdie boek stel Müller sy eie geloofsreis oop vir kritiek met sy idees oor tradisie en vernuwing en die spanning tussen hierdie twee aspekte.

Müller skryf vanuit die oogpunt dat die ‘geloofstaal’ van vandag in ’n proses van verandering is. Mense is besig om weg te beweeg van tradisionele, vaste kerklike reëls, waar Geloof anderkant Sondag ruimte maak vir die wat twyfel, maar nog steeds gelowig is. Diegene wat nie meer by die kerk aanklank vind nie sal met belangstelling hierdie boek wil lees.

“Dit is nie geloof anderkant die kerk nie,” het Müller duidelik beklemtoon tydens die bekendstelling by die Graffiti boekwinkel in Pretoria. Hy maak dus ’n onderskeid tussen geloof na Sondag en dit wat hy ‘Sondag geloof’ noem.

Tydens sy gesprek met Wilhelm Jordaan het hy meer uitgebrei oor sy spesifieke idees. Vir hom is dit die spanning tussen tradisie en vernuwing wat dit so opwindend maak. “Om te probeer beweeg in daardie land of gebied van tussen die een of die ander. Daar is ’n behoefte aan iets nuuts en iets anders, maar ook ’n behoefte aan waardering vir dit wat ons het,” het Müller gesê. Hy sê verder dat die manier hoe hy die boek geskryf het die leser kan laat voel dat hy nie wil terugval na die ‘ou-taal’ nie. Hy het egter beklemtoon dat hy steeds groot waardering daarvoor het.

Müller het genoem dat daar ’n mengsel van emosies betrokke is by die publisering van ’n boek. Aan die eenkant is mens dankbaar, en aan die anderkant dood benoud. “Dit is soos om jou huis in die mark te sit en die agent besluit hulle gaan daarvan ’n skouhuis maak. Al jou kosbare persoonlike goedjies word oopgestel aan al hierdie oë, kritiek, en mense wat opmerkings maak.”

Müller se vorige twee boeke, Opstanding en Om te mag twyfel, sit ook sy idees voort en kan amper as trilogie saam met Geloof anderkant Sondag gelees word. “Ek is so bly oor die woord wat jy gebruik het: trilogie. Baie van die sake is hier en daar aangeraak in die verskillende boeke,” het Müller gesê in reaksie op Jordaan se voorstel dat dit so beskou kan word.

Sy punt was egter dat daar baie beweging plaasvind in die samelewing se kerklike en godsdienstige verstaan. En dit is ook Müller se oortuiging: “Dit is al wat ek met hierdie boek probeer doen het, nie om antwoorde te gee nie, selfs nie om antwoorde te soek nie, maar net om ruimte te maak vir hierdie nuwe alternatiewe verhaal wat aan die ontvou is,” het hy ten slotte gesê.

* * * * * * * *

Facebook galery

Boekbesonderhede

Launch of the International Journal of Educational Development in Africa

Unisa Book Launch

 

UNISA Press invites you to the launch of the International Journal of Educational Development in Africa.

The launch will take place during the second International Conference on Teaching Practice in Education (ICTPED) at the Birchwood Hotel on 27 August at 6 PM for 7 PM.
 

Event Details

 

Education, Economy and SocietyAlso by UNISA Press, Professor of International and Comparative Education at the University of Maryland Steven Klees’ recently launched Education, Economy and Society.

Edited by Salim Vally and Enver Motala, Education, Economy and Society continues the conversation about education and the role it plays in the “triple challenge” of job creation, poverty reduction, and inequality reduction in South Africa.
 

Book details

Have Zelda la Grange Sign Your Copy of Good Morning, Mr Mandela at Exclusive Books Centurion

Good Morning, Mr MandelaGoeiemore, Mnr. MandelaExclusive Books Centurion invites you to join them on Saturday, 6 September 2014 at 12 PM as they welcome Zelda la Grange to their store.

Good Morning, Mr Mandela, her first book, is the extraordinary story of how a young woman had her life and everything she once believed in transformed by the greatest man of her time, Nelson Mandela. La Grange grew up in South Africa as a white Afrikaner who supported the rules of segregation. Yet a few years after the end of apartheid she would become the trusted assistant to Nelson Mandela. Now she shares his lasting and inspiring gifts with the world.

La Grange will be in store to sign copies of her book.

Don’t miss this!

Event Details

Book details

Kom gesels saam met Bernette Bergenthuin by die Potchefstroomse bekendstelling van Als oor kop

Als oor kopATKV-Skryfskool en LAPA nooi jou vriendelik na die boekbekendstelling van Als oor kop deur Bernette Bergenthuin. Dit is haar tweede roman en vertel die verhaal van CC, ’n modeontwerper wat haar verset het teen haar pa se wens dat sy ’n boer moet word.

Die geleentheid vind op 5 September 2014 plaas en begin om 18:30 vir 19:00.

Moet dit nie misloop nie!
 
Besonderhede

  • Datum: Vrydag 5 September 2014
  • Tyd: 18:30 vir 19:00
  • Plek: NWU Alumni Klubhuis,
    Gebou F22
    Joostestraat 15
    Potchefstroom | Padkaart
  • RSVP: Kobie van Aswegen, kobie.vanaswegen@nwu.ac.za, 018 299 1783

Boekbesonderhede

Don't Miss the Launch of 21 Icons at the Open Design Cape Town Festival

21 Icons Launch Invite

 

21 IconsQuivertree invites you to the launch of 21 Icons on Wednesday, 20 August at 6 PM.

The launch will take place at the Bibliophilia pop up shop at the Open Design Cape Town Festival.

21 Icons is a coffee table book that portrays the lives of the people who have fought to make South Africa a better place. The project is inspired by the late Nelson Mandela, and makes use of photography, fine art, short films, and documentaries to depict the lives of South Africa’s greatest heroes.

Event Details

Book Details

Kom kuier saam in die Tuin van Digters (13 en 14 September 2014)

 
Die derde Tuin van Digters word vanjaar vir die eerste keer oor ’n naweek, 13 en 14 September, by die Breytenbach Sentrum in Wellington aangebied. Dié intieme digtersfees vind plaas rondom die Breytenbach Sentrum se digterstuin, waarin Afrikaanse digters se verse op allerlei maniere uitgebeeld word.


Breyten Breytenbach se vyf-en-sewentigste verjaarsdag word vanjaar gevier deur die bekendstelling van Schalk Joubert se woordmusiek-album, Katalekte. In 2013 het Breytenbach ‘n seleksie van die gedigte uit sy gelyknamige bundel opgeneem saam met Joubert en Ronan Skillen as musikale regisseurs en komponiste. Saam vorm hulle ‘n beeldskone en hipnotiese musikale reis waar woorde en klank jou nader bring aan die rykheid van die taal. Met die lewendige uitvoering van hierdie opnames sal Schalk Joubert saam met die meesterlike perkussiespeler, Ronan Skillen, en Laurinda Hofmeyr op klavier optree. Die vertolkings en voorlesings sal deur onder meer Antoinette Kellerman, Toast Coetzer en Vicky Davis behartig word.

Vyf-en-veertig skemeraandsange uit die eenbeendanser se werkruimteKatalekteDie beginsel van stof

Breyten Breytenbach se verjaarsdag word verder gevier in Verse in my vingers, ’n woordkunsproduksie wat deur Juanita Swanepoel, saamgestel is. In November 1975 sê Breyten Breytenbach tydens sy verhoor in die Paleis van Justisie in Pretoria: “Ek voel, ek wéét ek het nog baie gedigte in my vingers en skilderye in my oog”. Die akteurs Johann Nel, Waldemar Schultz, Hugo Theart, Eugenie Wiggens en musikant, Laurinda Hofmeyr, is in Verse in my vingers te sien.

Die Tuin van Digters bring verder hulde aan Hennie Aucamp, wat nie net vir ons met van die beste Afrikaanse kortverhale en kabarette agterlaat nie, maar ook ’n skatkis vol verse. Daniel Hugo vertel meer oor Aucamp se digwerk, lees enkele verse voor, terwyl Amanda Strydom gesels oor sy invloed op haar loopbaan en van sy getoonsette werke sing. Janine Neethling sal Strydom begelei.

SkulpSolank verlange die sweep swaaiDie roebaijat van Omar KhajjamDie afwesigheid van bergeOewerbestaan

Digters soos Danie Marais en Louis Esterhuizen gesels oor hul nuwe bundels, terwyl die visuele kunstenaar, Diek Grobler sy animasiefilm-projek sal bekendstel. Die Breytenbach Sentrum se aspirant-digters sal hulle eerste buiging op die verhoog maak, saam met rymkletsers soos Hemelbesem. Feesgangers kan ook uitsien na ’n groepsuitstalling waarin skilders gevra is om verse uit te beeld, asook ’n optrede deur die legendariese David Kramer.

Kaartjies is R250 vir die naweek, wat toegang bied tot alle praatjies en vertonings. Dagkaartjies is ook beskikbaar.

Die volledige program:

VERS & VERF
Met werke deur Johann Louw, Henk Serfontein, Angus Taylor, Keith Dietrich, Sandra Hanekom, Rae Goosen, JP Meyer, André du Toit, Ingrid Winterbach, Colleen Gericke, Gerrie van Tonder, Joshua Miles, Helen Vaughan, Shany van der Berg, Wim Rautenbach en Liekie Fouché
Die opdrag was eenvoudig: elke skilder moet verse uitbeeld op ’n 30 x 30-grootte doek. Die resultaat is ’n indrukwekkende groepsuitstalling waarin die wisselwerking tussen vers en verf (of ander mediums) die kyker oorbluf.
Breytenbach Galery.
13 September | 9:00 – 17:00
14 September | 9:00 – 17:00

UKUSELA EKAPA
Met Hennie Meyer en Janine de Waal
Ukusela eKapa is ’n amptelike World Design Capital 2014-projek, wat deur die keramiek-kunstenaar, Hennie Meyer, en die argitek, Janine de Waal, aangepak word. Nou kom maak hulle ook ’n draai by die Tuin van Digters – en word jy uitgenooi om ’n spesiale handdruk te kom gee vir ’n klei-beker. Hierdie beker sal uiteindelik deel uitmaak van ’n grootskaalse uitstalling later in die jaar.
Breytenbach Galery.
13 September | 11:00 – 12:00

DIGBY DIGTERS
Met werke deur Dimitri Engelbrecht
Dimitri is een van die opkomende kunstenaars wat ingeskakel het by die Breytenbach Sentrum se visuele kunsprojekte, onder die mentorskap van Tessa Louw. In hierdie uitstalling is van Dimitri se lewensgetroue sketse van bekende Afrikaanse digters te sien én te koop. Dimitri sal ook tydens die Tuin van Digters in die uitstallokaal werksaam wees – kom kyk gerus hoedat hy met fyn potloodlyne al nader kom aan die digters wat hy uitbeeld.
Glaslokaal.
13 September | 9:00 – 17:00
14 September | 9:00 – 17:00

VERSE IN MY VINGERS
Afr. Geen o/14
Regie en samestelling: Juanita Swanepoel
Met Johann Nel, Waldemar Schultz, Hugo Theart, Eugenie Wiggens en Laurinda Hofmeyr.
In November 1975 sê Breyten Breytenbach tydens sy verhoor in die Paleis van Justisie in Pretoria: “Ek voel, ek wéét ek het nog baie gedigte in my vingers en skilderye in my oog”. By ’n ander geleentheid weer: “Wat my betref – ek wil probeer skryf vir hiér, vir nóú. Ek wil in my werk so na moontlik probeer kom aan die verbygaande – nie die ewige nie, dié was altyd daar. En die ewige sê niks. Dis die verbygaande wat seer maak, die plaaslike”. Verse in my vingers, destyds spesiaal saamgestel vir die Breytenbach Sentrum, word vanjaar herleef vir Breyten se 75ste verjaardag.
13 September | 9:30 | 90 min.

FILMVERSE
’n ATKV-produksie in samewerking met Fopspeen Moving Pictures
Met Diek Grobler, Lina Spies en Danie Marais
Filmverse bied ’n visuele bloemlesing waarin twaalf gekose gedigte die inspirasie was vir ’n reeks van kort animasiefilms. Klassieke gedigte, asook die werk van kontemporêre digters, word gebruik vir hierdie boeiende proses waarin ’n dialoog tussen woord en beeld geskep word. Diek Grobler wys tydens hierdie sessie van die animasiewerk en gesels saam met digters oor die fassinerende manier hoe gedigte visueel lewe kry.
13 September | 11:00 | 50 min.

SOLANK VERLANGE DIE SWEEP SWAAI
Met Danie Marais en Alfred Schaffer
Danie Marais se derde digbundel, Solank verlange die sweep swaai, gaan oor die “roaring 40’s” en die eerste onheilspellende tekens van middeljarigheid, oor egskeiding, enkelvaderskap, ontnugtering, ‘n geliefde ma wat by die dood omdraai en die skrikwekkende relevansie van gruwelrolprente en popkultuur. Danie gesels met Alfred oor hierdie aangrypende werk en feesgangers kan ook daarna uitsien om bietjie te luister na die musiek wat hierdie bundel gevorm het.
13 September | 12:00 | 50 min.

MENGELMOES DIGTERS
(Moontlik gemaak deur die ATKV en LW Hiemstra Trust)
Met voorlesings deur Diana Ferrus, Danhouse, Gaireyah Fredericks, Nazlee Jeppie, Annelize Laban, Fiona Fertyn, Sophia Oliphant, Ashley Fortuin, Chantelle Hartebeest, Iola Craill, Charmaine Moosa en Adriaan Williams. Optredes deur die befaamde rymkletsers Hemelbesem, Rhyme Author en Rimestein.
Die Breytenbach Sentrum bied vir die afgelope jare met groot sukses ’n digters-slypskool aan vir voornemende digters, onder leiding van Diana Ferrus. Hierdie opkomende digterstemme sal gehoor word tydens die Tuin van Digters. Hul verse word aangevul deur die polsende rymkletse van die alombekende Hemelbesem, asook die nuwelinge Rhyme Author en Rimestein.
13 September | 13:00 | 90 min.

DIE AFWESIGHEID VAN BERGE
Met Louis Esterhuizen en Daniel Hugo
Louis Esterhuizen gesels met Daniel Hugo oor sy nuutste bundel, Die Afwesigheid van berge. Dié bundel handel oor ’n alleman se reis onderweg na die dood – die gedagtevlugte, die besinnings, die fantasieë waartoe die bewussyn geskok word. Maar die spreker is sterwend in hiérdie land. Trouens, hierdie land sing dikwels saam in die liedere, in refreine wat die slagspreuke, clichés en jargon is van nie net ’n nuwe Suid-Afrika nie, maar van ’n nuwe tegnologiese era.. Kom luister na hierdie insiggewende gesprek tussen twee deurwinterde digters.
13 September | 15:00 | 50 min.

VEELVULDIGE GEBRUIKE VIR HUISHOUDELIKE ITEMS
Met Andries Bezuidenhout en Melt Myburgh
In Andries Bezuidenhout se tweede bundel word twee werklikhede wat op die oog af nie raakpunte het nie, naas mekaar geplaas. Aan die een kant is daar die groter ruimte van die Suid-Afrikaanse stad en platteland, en aan die ander kant die intieme ruimte van die huis, veral die kombuis, gevul met verskillende toestelle. In albei hierdie ruimtes is verandering aan die werk. Die slopende werking van die geskiedenis bring verval, afsondering en verlatenheid in stad en dorp mee; in die kombuis is die verandering geheimsinniger, soms meer sinister, en wonder die spreker oor die sameswerings van huishoudelike toestelle teen hulle gebruikers. Kom luister hoe Melt en Andries gesels oor gedigte, kombuise en ander ruimtes.
13 September | 16:00 | 50 min.

GEDIGTE SONDER GRENSE
(Ondersteun deur NB-Uitgewers)
Met Marion Holm
Marion Holm lees van ons mooiste gedigte in Afrikaans voor en maak poësie so lekker en toeganklik soos ’n bord goeie boerekos.  Bring jou gunsteling-gedig, of een wat jy self geskryf het, saam en kom lees dit ook voor.
13 September | 17:00 | 45 min.

KATALEKTE
Met o.a. Schalk Joubert, Ronan Skillen, Laurinda Hofmeyr, Antoinette Kellerman, Toast Coetzer en Vicky Davis.
Katalekte vorm ’n drieluik met Breyten Breytenbach se vorige twee bundels, Die windvanger en Die beginsel van stof. In 2013 het Breyten ‘n seleksie van die gedigte uit die bundel opgeneem saam met Schalk Joubert en Ronan Skillen as musikale regisseurs en komponiste. Saam vorm hulle ‘n beeldskone en hipnotiese musikale reis waar woorde en klank jou nader bring aan die rykheid van die taal. Met die lewendige uitvoering van hierdie opnames sal Schalk Joubert saam met die meesterlike perkussiespeler, Ronan Skillen, en Laurinda Hofmeyr op klavier optree. Die vertolkings en voorlesings sal deur o.a. Antoinette Kellerman, Toast Coetzer, Vicky Davis en ander gerekende digters en akteurs behartig word.
13 September | 18:30 | 60 min.

SLAAPTYD IN DIE SUBURBS
Met Roof Bezuidenhout (stem en kitaar), Brixton Barnard (stem en baskitaar), Kapelaan Pat Plank (lead kitaar) en Louis Graham (tromme)
“History stops where the suburbs begin,” skryf die digter Denis Hirson. Tien jaar na hul vorige album, Spergebied, is die Brixton Moord & Roof Orkes terug met Slaaptyd in die suburbs, ʼn album met twaalf nuwe snitte. In die tien jaar tussen-in het die groep hervorm, opgebreek en toe weer hervorm. Toast Coetzer het die Brixton Moord & Roof Orkes beskryf as “kind of like Koos du Plessis had he ever heard Nirvana”. Roof Bezuidenhout self: “Ons is nou never-has-beens wat ʼn comeback moet maak.”
13 September | 20:00 | 80 min.

MEESTER AUCAMP
Met Daniel Hugo, Amanda Strydom en Janine Neethling
Hennie Aucamp het ’n blywende impak op die Afrikaanse letterkunde gemaak. In hierdie program bring ons hulde aan Meester Aucamp, wat nie net vir ons met van die beste Afrikaanse kortverhale en kabarette agterlaat nie, maar ook ’n skatkis vol verse. Daniel Hugo vertel meer oor Aucamp se digwerk, lees enkele verse voor, terwyl Amanda Strydom gesels oor sy invloed op haar loopbaan en van sy getoonsette werke sing.
14 September | 11:00 | 60 min.

STOKOUD EN SPLINTERNUUT
Met David Kramer en Schalk Joubert
David Kramer vier ’n leeftyd van liriekskryf en keer weer terug na intieme, akoestiese konserte – presies hoe hy in die laat sewentigerjare begin het. David sing van sy splinternuwe liedjies waaraan hy tans werk, maar die gehoor kan ook uitsien na van sy stokou werke wat aan hom tereg die reputasie besorg het as een van die gewildste sangers en liriekskrywers in Suid-Afrika. Kom beleef die legende in die intieme atmosfeer van die Breytenbach Sentrum.
14 September | 14:00 | 70 min.

BOPLAAS SING KRO-TAAL
(Moontlik gemaak deur die Rupert Musiekstigting)
Met o.a. André Serfontein (tenoor), Bennie van Eeden (klavier), Geoffrey Armstrong (violis) asook Johann Nel, Sanet Taljaard en Alma Nel as stemkunstenaars. Musiek deur Pieter de Villiers en Louis van Rensburg.
Die derde Tuin van Digters sluit af met hierdie klassieke musiekuitvoering waarin Boerneef besing word. Hierdie konsert is nie net ’n afsluiting van ons fees nie, maar ook ’n afskop van ons klassieke musiekreeks wat die Breytenbach Sentrum vanjaar vir die eerste keer in die asemrowende Goodnow-saal aanbied. Die volledige program vir dié reeks is op ons webwerf beskikbaar.
Goodnow-saal
14 September | 17:00 | 50 min.

EEN STOP
Alle vertonings, behalwe as dit andersins aangedui word, sal in die tent in die vierkant van die Breytenbach Sentrum aangebied word. Dit stel besoekers in staat om te parkeer en alles rustig en gerieflik op een plek te kan geniet.

Tydens die Tuin van Digters kan jy ook uitsien om die digters se bundels te koop, asook tweedehandse boeke, lekker verversings in ons t-winkel en in die Bôrdienghuis Teater te geniet, kosse en drankies te geniet, asook om geskenke en ander kreatiewe produkte te koop.

WELLINGTON TOERISME

Skakel met die Wellington Toerisme-kantoor by info@wellington.co.za om jou te help met jou verblyfbesprekings en ander inligting oor ons dorp en omgewing te bekom.

KAARTJIEPRYSE
Naweekpakket: R250
(sluit alle aanbiedings in)
Toegang vir 13 September: R180
(sluit alle aanbiedings in vir 13 September)
Toegang vir 14 September: R120
(sluit alle aanbiedings in vir 14 September)

BESPREKINGS
Bespreek jou kaartjies per e-pos by Jeanne-Mari Gerber: besprekings@breytenbachsentrum.co.za

VERDERE NAVRAE
Breytenbach Sentrum, 14 Burgerstraat, Wellington.
Skakel ons by 021-8732786 of per e-pos na info@breytenbachsentrum.co.za

Volg ons op twitter, facebook en hou ons webwerf dop vir die nuutste inligting oor die Tuin van Digters 2014.

VERBLYFBORG
Met dank aan Cummings Gastehuis. Kontak hulle gerus by 021 873 3474 of stuur ’n e-pos na mattievisser@wellington-accommodation.com en kom kuier die naweek saam met ons.

DONATEURS
ATKV, Die Dagbreek Trust, Distell Stigting, Drakenstein Munisipaliteit, Het Jan Marais Nationale Fonds, LW Hiemstra Trust, Naspers, NB-uitgewers, Rupert Musiekstigting.

Bespreek jou kaartjies by besprekings@breytenbachsentrum.co.za of 021-8732786.

Boekbesonderhede