Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

BooksLIVESA

Right! That's a wrap of our #ManBooker2014 coverage. Congratulations to Richard Flanagan bookslive.co.za/Yq9F

Kom kuier saam met Wilna Adriaanse, Nanette van Rooyen, Madri Victor en Marius Uys by D'Aria

Onthou-kos Gesprek

 
D’Aria Wynlandgoed nooi jou vriendelik uit na ‘n Onthoukos-gesprek en ete met Wilna Adriaanse (Dubbelspel), Nanette van Rooyen (Ek was hier) en Kokkedoor-kok Marius Uys.

DubbelspelEk was hierKokkedoorKokkedoor 2 - Versamelresepte

 
Madri Victor sal op Dinsdag, 28 Oktober 2014 met die skrywers gesels oor hul kosherinneringe. Die geleentheid begin om 12:00 en duur tot 17:00. Kaartjies kos R220 per persoon en ’n kontantkroeg sal beskikbaar wees.

Moet dit nie misloop nie!

Besonderhede

Boekbesonderhede

Uittreksel: Eerste drie hoofstukke uit As ek val deur Jenny Downham, vertaal deur Lydia du Plessis

As ek valAs ek val is Lydia du Plessis se vertaling van Jenny Downham se gewilde tienerroman, Before I Die.

Die boek volg Kara, ‘n sewentienjarige met baie drome, se laaste weke voordat haar kosbare uurglas leegloop. Sy ly aan ‘n terminale siekte, met die gevolg dat haar ouers haar in watte toedraai. Dit, en die wete dat daar baie “normale” ervarings is wat sy nooit sal kan ervaar nie, lei tot rebelse avonture saam met haar beste vriendin, Nicky.

Lees die eerste drie hoofstukke uit As ek val:

As Ek Val – Hoofstuk 1 tot 3 geplaas deur Books LIVE

Boekbesonderhede

Jenny Downham se aangrypende jeugverhaal Before I Die nou beskikbaar in Afrikaans: As ek val

As ek valDie Afrikaanse vertaling van Jenny Downham se bekroonde Before I Die is nou beskikbaar by LAPA, vertaal na As ek val deur Lydia du Plessis:

Kara is sewentien jaar oud en besig om dood te gaan.
    Ten spyte daarvan dat sy vier jaar lank chemoterapie gekry het.
    Sy is keelvol vir hospitaalbesoeke, eindelose mediese toetse, en medisyne wat ’n mens se liggaam vernietig.
    Saam met haar beste vriendin, Nicky, maak sy ’n lys van dinge wat sy wil doen voor sy doodgaan. Nommer een op haar lysie is seks.
    Noudat sy nie meer aan bande gelê word deur die dinge wat ’n mens se lewe “normaal” maak nie, eksperimenteer Kara met nuwe ervarings wat haar help om voluit te lewe terwyl haar liggaam stadig maar seker afgetakel word.
    Kara se gevoelens, haar verhouding met haar pa en haar broer, haar vervreemde ma, haar beste vriendin, en haar nuwe kêrel kry pynlik gestalte in die paar kosbare weke voordat die uurglas leegloop.
    ’n Onvergeetlike boek.

Hierdie hartroerende jeugroman is onlangs deur die BBC verfilm as Now is Good, met Dakota Fanning in die hoofrol, en het wêreldwyd lof en toekennings ingepalm, waaronder:

* Publishers Weekly se beste kinderboek van die jaar
* Booklist Editors’ Choice
* Book Sense Children’s Pick
* Kirkus Reviews se redakteurskeuse
* Publishers Weekly se Flying Start Author
* ALA-YALSA se toptien beste boeke vir jong volwassenes

Oor die outeur

Jenny Downham is ’n Britse skrywer en voormalige aktrise. Sy is die skrywer van twee boeke, Before I Die en You Against Me.

Boekbesonderhede

Moenie hierdie grillerige boeke lees nie

 

13 Spookstories

 

As daar nou een manier is hoe jy kinders aan die lees gaan kry, is dit met grillerige stories. Spoke, zombies, geraamtes, ruimtewesens – enigiets gevaarliks.

Maar eers moet jy die boek en die kind bymekaar uitbring. So doen jy dit:

  • Begin om die boek voor te lees, en wanneer die storie op sy interessantste is, hou jy op. Net so! Sê vir die kind: “As jy die res wil weet, hier lê die boek.” My biblioteek-onnie van hoërskool het dit so gedoen, want enige kind wat jy nuuskierig kan maak oor ‘n boek, kan jy in ‘n leser verander. En alle kinders is nuuskierig.
  • Die tweede manier om die kind by die boek te kry: Maak die boek iets wat hy nie veronderstel is om te lees nie. “Jy is nog te klein. Die boek is dalk te grillerig. Jy gaan dalk vanaand niks slaap nie.” Wys hom of haar ‘n paar illustrasies en klap die boek toe. Gaan steek dit weg waar hy/sy kan sien, en los dit net daar.
  • Natuurlik is dit lekker om sommer grillerige boeke saam as gesin te geniet. Sit die TV af. Maak ‘n komberstent in die sitkamer, kry baie kussings, eetgoed en die belangrikste … flitsligte om in die donker te lees. Boeklees word dan ‘n gebeurtenis wat die kind altyd sal onthou.

Hier is ‘n paar van my grillerigste boeke … (Klik op die skakels om meer uit vind.)

13 spookstories video

Lekker lees!

 

 

 

 

Mia Oosthuizen resenseer Nova: Eindspel deur Fanie Viljoen

Nova: EindspelUitspraak: wortel

Soos die vorige boeke is Eindspel gelaai met seldsame en skrikwekkende buiteruimtelike gebeure en karakters wat sorg vir baie aksie en spanning.

Hoewel die Nova-reeks gewilde leesstof is, sal dit ’n fout wees om dié boek en reeks te onderskat. Naas lekker inhoud bied Fanie Viljoen se werk emosionele diepte, taalkundige en tegniese vernuf en relevansie deur aan te sluit by diskoerse oor wetenskapfiksie, wetenskap van die buitenste ruim, asook ruimtewesens en verwante samesweringsteorieë.

Boekbesonderhede

Benny Lindelauf in Suid-Afrika saam met ’n groot aantal LAPA-skrywers

 
Benny Lindelauf (regs) is ’n Nederlandse outeur wat tans deur die land toer op uitnodiging van SASNEV, die Suid-Afrikaanse Sentrum vir Nederland en Vlaandere. Saam met hom op die foto is Eureka Barnard, die hoof van SASNEV.

Nege oop armsDie hemel van HeivisjEk was hierGerookIewers vlieg daar fairy dustUitZackie Mostert en die baie beroemde hond

 
Lindelauf tree Maandag (20 Oktober) en Dinsdag (die 21ste) in Kaapstad op saam met Nanette van Rooyen. Dinsdag sluit Eldridge Jason ook by hulle aan. Maandag se sessies sal grootliks gemik wees op inligtingoordrag, terwyl hulle Dinsdag ’n kort, kreatiewe werkswinkel sal aanbied vir skoliere.

Vrydag die 24ste Oktober gee Lindelauf weer ’n werkswinkel om skeppende skryfwerk en leeslus onder skoliere aan te moedig. Hy doen dit saam met Fanie Viljoen en Jaco Jacobs in Bloemfontein.

Maandag 27 Oktober sal Lindelauf optree saam met Lisa Day, Marisa Haasbroek, Alet Steenkamp, Nerine Ahlers en Ilse Salzwedel by die Waverley Biblioteek. Die sessie is oop vir die publiek en begin om 10:00.

Op Vrydag 31 Oktober bied Lindelauf weer ’n werkswinkel oor skeppende skryfwerk aan, dié keer in Port Elizabeth saam met Heila Theron. Dit vind plaas by Grey Kollege en is ook oop vir die publiek.

Belangstellendes kan vir Pieter Rademeyer van Grey Kollege skakel. Mense van alle ouderdomme is welkom.

Daniel Hugo het reeds twee van Benny Lindelaauf se boeke, Die hemel van Heivisj en Nege oop arms in Afrikaans vertaal.

* * * * * * * * *

Die outeur het ’n beperkte kapasiteit vir onderhoude, kontak gerus vir Izak de Vries om ’n onderhoud te reël.

Boekbesonderhede